బంగ్లా ఓపెనర్లు.. 6,6,6,6..!

ఇండోర్‌: టీమిండియా-బంగ్లాదేశ్‌ జట్ల మధ్య జరుగుతున్న తొలి టెస్టులో అరుదైన సందర్భం చోటు చేసుకుంది. ఇందుకు బంగ్లా ఓపెనర్లు షాద్‌మన్‌ ఇస్లామ్‌-ఇమ్రుల్‌లు వేదికయ్యారు. ఈ ఇద్దరూ తమ బ్యాటింగ్‌లో మెరుపులు మెరిపించి వార్తల్లో నిలవలేదు.. పేలవ ప్రదర్శన చేసి హైలైట్‌ అయ్యారు. బంగ్లాదేశ్‌  తొలి ఇన్నింగ్స్‌లో షాదమ్‌న్‌ 24 బంతులు ఆడి 1 ఫోర్‌ సాయంతో 6 పరుగులు చేయగా, ఇమ్రుల్‌ 18 బంతుల్లో 1 ఫోర్‌తో 6  పరుగులే చేశాడు. కాగా, రెండో ఇన్నింగ్స్‌లో కూడా వీరిద్దరూ అదే వ్యక్తిగత  స్కోరు వద్ద ఔట్‌ కావడంతో హాట్‌ టాపిక్‌ అయ్యారు.